منتديات أيام البنفسج
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدى


اهلا وسهلا بك يا زائر في منتديات أيام البنفسج
 
الرئيسيةبحـثالتسجيلدخول

شاطر | 
 

 ابوذيات رومانسية عراقية روعة .............

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
murtadha
مشرف
مشرف


علم الدولة :
عدد الرسائل : 262
العمر : 28
المزاج :
المهنة :
الهواية :
تاريخ التسجيل : 28/08/2009

مُساهمةموضوع: ابوذيات رومانسية عراقية روعة .............   الأربعاء سبتمبر 02, 2009 12:11 am

تأخر على حبيبته وضلت تنتضره
على احر من الجمر
دكت علي شال التلفون وكال الو وكالت




هي
تانيتك بأشواق عاشك يحب حيل
وعيوني من ماجيت صبن دمع سيل
هو
ادري بيج انتي اشواق وكلج مشاعر
ودري الوفاء البيج يا حلوه نادر
هي
ما كتلي يلمحبوب شلسبب ما جيت
ونته عله وعدك دوم لا ما تخليت
هو
لمن اكلج جاي ما اخلف اوعود
والكلب بس وياج يا سلوتي يهود
هي
تسحرني يلمحبوب نشوة كلامك
ما ادري ليش الروح تضعف امامك
هو
مو ضعف هاذه البيج اجمل عواطف
حاطتني بالاسلاك خلتني خايف
هي
لا لا تخف يهواي بالكلب بيتك
موقصدي آنه ارهاب من حوطيتك
هو
مو كلبج السجان خلاني مجتوف
واخباره هذا اليوم ذاعتني مخطوف
هي
هذا العشك يهواي رايدله ساعد
اخطف حبيبي بليل وا**ب مقاعد
هو
ت**ب مقاعد زيف مو ينحسب بوك
كلمن يريد هواه يقرعله صندوك
هي
شلقصه يلمحبوب صارت سياسه
العشك موش احزاب كلمن وفاسه
هو
لا يابه منهو الجاب طاري السياسه
بس الوطن محتاج شوية حراسه
هي
خلينه بالموضوع لاتبعد بعيد
ليش الكلام وياك يحبيبي ميفيد
هو
ما اكدر اسكت ضيم وبصدري ياكل
شفت الورد مذبوح تضحك مناجل



هي
ادري الكلام البيك يحبيبي بيه
كلمة محبه نريد تحرسنه هيه
هو
انتي النقاء البيج يحبيبه صافي
يكفيني آنه وياج وبعشك دافي
هي
بس يا حبيب الروح ماجاوبتني
ليش خلفت يا سيف مو واعدتني
هو
ما كتلج آنه اليوم من جيتج اصار
صار انفجار ارواح والموته طشار
هي
سولفلي يلمحبوب شنهو القضيه ؟
وشلونك انته بخير لو بيك اذيه ؟
هو
اتحزميت بزود وآنه العراقي
شلت اليصيح بصوت والبعده باقي
هي
ادري انته بالشدات بالغيره تلهب
والوطن من يحتاج تدوي وتشب شب
هو
شفت الوطن م**ور مجروحه عينه
بس كتله عد عيناك ناوشني ادينه
هي
الف السلام عليك ياوطن سالم
واسم الله عل المحبوب من رجع غانم
هو
هاذه الجرالي اليوم هوّه المنعني
حب الوطن والناس منّج أخذني
هي
هاي المعاني البيك خلتني احبك
لوما الاصاله البيك لا ما اودك
هو
صح آنه احبج موت بس الوطن اب
لوما نحب لعراق هم نعرف انحب
هي
هسه الكلب مرتاح صح اختياري
حجيك نزل كلماي طفالي ناري
هو
انتي الحبيبه الدوم يهواهه كلبي
وجهج ورد ونوار ضوالي دربي
هي
هاي الرجوله البيك خلتني اصبر
وعله الوعد مو يوم كل عمري انطر
هو
موعدنه ما أنساه لابد اجيلج
وبلهفة المحبوب اركض وشيلج
الرجوع الى أعلى الصفحة اذهب الى الأسفل
 
ابوذيات رومانسية عراقية روعة .............
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أيام البنفسج :: منتدى الشعر والغزل وكلمات الحب :: قسم الشعر الشعبي-
انتقل الى: